هذه محاورة كتابية قديمة جرت بيني وبين الشاعر محمد بن عودة بن رفادة "ابو تركي"
القصير
بعد غيبه طويله مادرينا وش حصل وش صار
وعـــلـــم الــغــيــب لابـــيـــدك يـــــــا ابــوتــركـــي ولا بـــيــــدي
لكـن جـا نـا خبـر منقـول جـاء فـي نشـرة الاخبـار
يـقــولــون الــعـــرب عــنــتــر تـــخـــاوى مـــعـــه ابـــوزيـــدي
ابو تركي
علوم الغيب عند الواحد اللي يعلـم الاسـرار
لعلك جيت من غيبتك وانته كاسب الفيدي
تخاوينا مع اللـي يحكمـون الـراي والاشـوار
وسدينـا مكانـك وانــت هـايـم تقـطـع البـيـدي
القصير
انــا مـانـي ســواة الـلـي محـلـه مايـفـوت الـــدار
قطعـت ديــار ثــم ديــار واصــل فــي مواعـيـدي
اعرف انك شجيع مقابل لن لك فارسٍ مغوار
تـبـا تظـهـر نتـايـج فعلـكـم فـــي ثـانــي الـعـيـدي
ابو تركي
أعرف إنك سواة الي يقولـون العـرب دوار
يبيع ويشتري والبيع كاش ونوب تقصيدي
نتايـج فعلنـا صـارت بسلـم الطيبـيـن شـعـار
يــســد حـضـورنــا غـيـابـنـا والـعـايــد يـعـيــدي
القصير
ألبي دعوة الصاحب واسافر مابدي الاعذار
نفيـد ونستفيـد مــن السـفـر عـلـمِ وتجـويـدي
بدايـتـكـم قـويــه مـيــر بالـمـوضـوع لا تـحـتــار
تعرف المدرسة من دونها روضة وتمهيدي
ابو تركي
تــراك بكـثـرة اسـفـارك عليـكـم لــدت الانـظــار
واظنـك تالـي الرحلـه يجـي خطوتـك تحديـدي
الاياطالـب الروضـه تحصـن واحفـظ الاذكــار
ترى دربك صعيبه وانت توك ترضع الديدي
القصير
تــرى الطـيـب لـيـا جـــاء للـعـلـوم الطـيـبـه يـخـتـار
غـريـبــه كــيــف صــدقــت الـمـهـبـل والـمـقـاريــدي
تشوف انك على سطح القمر تنظريمين يسـار
وانا شوفك على شط البحر في مركب الصيدي
ابو تركي
صحيح إن السفر به فود لكن قطعة من نار
عساك ليا مشيت الدرب ما تصدف تناكيدي
توكـلـنـا عـلــى الله يالـقـصـيـر والـكـبــار كــبــار
ولا يطلعـك يالسابـق سـوى مـا تفـعـل الايــدي
القصير
أنا بنشدك عن عـودٍ قضـى عمـره وهـو دوار
يطارد له عجوزٍشـاف منهـا الويـل و الكيـدي
لعـب بـه حبهـا مــا يلتـفـت والمعجـبـات اكـثـار
وحال العود تنقص مع مرور الوقت وتزيدي
ابو تركي
انا اقول القمر والشمس بامر الواحد القهار
مسيرهـن وكلـن عـن مسـاره دوم مـا يحيـدي
واظن المعجبـات نجـوم فـي ليلـه تشـع أنـوار
هـلال وبـدر ثـم هـلال خــذ علـمـي بتوكـيـدي
القصير
لقيت الصاحب الغالي لقيت الصاحب المكار
مقاصيـدك بعـد هـذي تـوافـق مــع مقاصـيـدي
نويت امشي معك يـم الديـار المزهـرة مشـوار
لـو ان الخـط بـه بطنـاج بالطلعـة و تمهـيـدي
ابو تركي
لقيت الصاحب اللـي يخلـط الحالـي مـع الامـرار
ترى بشت القصب ياصاحبي ماهو كما البيدي
لــيــامــنــا تــخــاويــنــا يــصـــيـــرن الـكــبــارصــغــار
بحـال وحـال والله مـا انــت لاقــي كــل ماتـريـدي
القصير
بـديــنــا لا تـــــردد لا تــكـــرر مـــــا قــبـــل الـتــكــرار
ياطيب الحاجه اللي لانقضت من دون ترديدي
ليا خضت البحر تلقى معك جوف البحـر بحـار
يخـوض البـحـر مــا يخـشـى المنـايـا والمناقـيـدي
ابو تركي
توكلنا على الله واحسب المدخال والمظهار
تـــرى فالملـعـبـه مـافـيـه يـاعـمــي ويـاسـيــدي
لياخضـت البحـر طلعـت لولـوه مــن المـحـار
ولااحسب حساب الهرج من حماد وحميدي
القصير
ملكـت الجوهـرة واخذتهـا قــوة مــن الشـعـار
حقيقـة ثابتـه ومسجلـه فــي دفـتـر القـيـدي
لكن انته تدورها معَ بعض العـرب مسيـار
ولا حصلت لا هذي ولاذي ضعت فالبيدي
ابو تركي
رمــوا لــه جـوهـره تقلـيـد لـكــن القـصـيـر طـــار
أجـل وشلـون لـون الجـوهـره مـاهـي بتقلـيـدي
بفضـل الله غـنـاوي مــا عـلـي ديــون للتـجـار
وفي سوق الغلا معروف تصديري وتوريدي
القصير
ابوتركي على عيونه غمص مادري غشاها غبار
يــبــا يـعـمــي عـيـونــي مـــــع عـيــونــه بـالـبـواريــدي
و لا يــاتــاجـــر الـجــمــلــة وراك بـضــعــتــك بــــــــوار
تـصـدرهـا خفـيـفـة ثـــم تــرجــع لــــك كــمــا الـحـيــدي
ابو تركي
عيونـي مابهـا غيـر العـوافـي مــار دمــك فــار
بيدك اعميت عينك والحقيقه جت باسانيدي
انـا مابيـع واشـري سلعت(ن)ماجالهـا مسعـار
لكـن المشكـلـه فــي سلعـتـك تحـتـاج تجـديـدي
القصير
قـديـمـه ماتمـشـيـهـا عـلـيــه والـبـحــر غــــدار
يـمـد بــك البـحـر ماتنفـعـك كـثـر التغـاريـدي
تبيع وتشتري بالدين والناتج يصير صفار
خسـاره بيعـةٍ لــك بعتهـامـن دون تسـديـدي
ابوتركي
أعرف إنك نبيهه نيتك كان المشوك ثار
تمـيـز فالسـوالـف صـدرهـا والا المـواريـدي
كبـيـره ياالقصـيـر ماتسـيـر سـايـر مـاســار
أنـا عمـك وانـا هـمـك وابــا قـيـدك تقيـيـدي
