شل برقع الطير يا ناقله هده

هذه المحاورة جرت بيني وبين الشاعر محمد مقحم المقحم"الماهر" في منتدى بلي الرسمي بتاريخ2008/6/4م

الماهر

شل برقع الطير يا ناقله هده

خله مع الجو يكفخ على فاله

يالله عسى صاحبي ماطفت ناره

في منتدى الرد ماعاد له طاري

-

لي صاحبن غايبن صار له مده

ماسمعت صوته ولا شفت مرساله

مشتاق له ودي آجدد الغاره

وين انت يالقرم يا واف الاشباري

القصير

ياناقل الطير يا ناقله وده

لا تطلقه قبل ماتعرف منزاله

صاحبك والم ولازال في داره

لازال في موقعه بايعن شاري

-

مريت طيبة ومكه بعد جده

يوم أنت رحت العبيلة وشواله

يالله عسى رميتك تاصل الشاره

وتصير لي جار واقول ياجاري

الماهر

حط المعاميل بالخرج والعده

باكر ترانا مع الشمس رحاله

لازم تكلم لنا عمدة الحاره

محتار صاحبك بالوضع محتاري

-

وصل الخبر والخبر عننا رده

بالك تقول الخبل راح ماقاله

الجار له حق واجب على جاره

وان كان ماقمت له ودع اجباري

القصير

الضيف لا جاء العرب ينلزم حده

يا مرحب فيه لاصار في حاله

والعمده يدري والايام دواره

وإن كان ماحلها جتك الأ خباري

-

بعض الأنابيب ياذيب منسده

والسوق ما ينقرب غاب دلاله

ناقف مع الجار في يمين ويساره

واساعدالجار في سر وجهاري

الماهر

الضيف لاجاء العرب ماعنه صده

ولا كل من قال انا افلان يعناله

والطيب بالسوق مارخصت اسعاره

والشيخ من قبل ما فزعك داري

-

اوقف مع الجار باليسر والشده

والجار يفداك بالروح واعياله

لاحول السيل ماسد محداره

خلك سواته ولا تقرب الذاري

القصير

العامل اليا نشط جددو عقده

واليا كسل جعل مافالكم فاله

الطيب بالسوق و الناس تختاره

دهنه وعوده يعطرك يالساري

-

حنا سوى في بحر ظاهرن مده

ما نعبره غيري بجهود قتاله

والسيل سيل و لا بانت اثماره

الماء غدى في بحر والبحرجاري

الماهر

عميلي اليوم وده ولا وده

يفزع وكنه تخوف من اظلاله

يقول جبار من قوم جباره

والظاهر انه من اللي ذكر عاري

-

واعدني الذيب ياقف معي ضده

الهرج واجد ولا شيفت افعاله

والطيب طيب الفعل عندي اسراره

ماجلب بالسوق مع كل عطاري

القصير

مسكين مسكين ماشي في يده

لا تحرجه ثم يعطيك من ماله

اصبر وخليك من ناس صباره

واشكي همومك على الخالق الباري

-

لا تكتب خطاب من دون مسوده

واقرأ جواب الخصم وافهم اسؤاله

دام انت راضي ومسكنك في الغاره

طيع الأسدلاتضيعك الاشواري

الماهر

مسكين من قال قولن مهو قده

هذاك ودوه للطايف اشوى له

ماهيب لحية سواليف واطراره

انا معك جاهزن ماطفت ناري

-

اونس بحلقي من البربسه غده

هيا على العد ناقف على جاله

انهض نبي ناصل القايد ازياره

دامك رفيقي ترى مالك اعذاري

القصير

خلك معي ند يا قف معا نده

واللي بعيد عنك مالك وماله

ياشاعرن ضاع ما دل مشواره

لا قول كاتب ولاقول له قاري

-

شاعر لكن لابدأ باح في سده

وإن طول الليل يامكثر اقواله

ترى البحر طالباً ناس بحاره

وانته لخوض البحر مانته بضاري

الماهر

بعض المخاليق دمعه على خده

والهم والغم والحزن يبراله

ايكبس النور واعمتني انواره

عن الحقيقه يبي يعمي ابصاري

-

ماتستحي منه يامسندي بده

تراي ماني على صاحبي عاله

خلك يميني وانا آجود الطاره

واصدح بصوتك جديدات الاشعاري

القصير

دام ان مزح الرجل بان من جده

حنا عرفنا عمامه و من خاله

بحاري لكن ما معه سناره

وان شاف حوت البحر جاه دواري

-

ماتستحي منه خله على حده

للي يعرف الشهر بأول هلاله

أنا يمينك على الخير"ي" وانهاره

ماني من اللي غريبين الاطواري

بدايه ودي امسي واصبح والعلم مرفوع

هذه المحاورة جرت بيني وبين الشاعر محمد مقحم المقحم "الماهر"في منتدى بلي الرسمي بتاريخ 2008/4/27م

الماهر

بدايه ودي امسي واصبح والعلم مرفوع 

 وابي لي شاعرن تطرب بيوته واسر ياساري

ابوقدها ومن يقدر يطبح والعلم مرفوع 

يشرف والقصير وين صوته واسر ياساري

القصير

هلا يا مرحبا تربح وربح والعلم مرفوع

واسجلكم معي في وسط نوته واسري ياساري

لكن إن طعتني صلي وسبح والعلم مرفوع

و ما لك في بحر ياكلك حوته واسري ياساري

الماهر

انا في كل بحرن طامي اسبح والعلم مرفوع 

 وراسي صاحين ماشن يفوته واسر ياساري

وبعض الناس لو يصلخ ويذبح والعلم مرفوع

عوافي مثل عش العنكبوته واسر ىاساري

القصير

أشوف اللي بدأيحبي مطبح والعلم مرفوع 

ولابس مشلحه من تحت كوته واسري ياساري

نصحته مير ما طاوع مدبح والعلم مرفوع

عساه يطيعني من قبل موته واسري ياساري

الماهر

اقلب في قليل الفود واشبح والعلم مرفوع

 وشيخ الملعبه حرقت كروته واسر ياساري

اصيح ابعالي اصواتي وابحبح والعلم مرفوع 

لاياجاك المعوكس لاتشوته واسر ياساري

القصير

غدينا في سوالف اكشط واربح والعلم مرفوع

وشيخ الملعبة موجود قوته واسري ياساري 

تصيح لا لا تصيح قم تبحبح والعلم مرفوع

وبا حط المعوكس في تابوته واسري ياساري

الماهر

تحمل مايجيك اولا تلبح والعلم مرفوع 

 وتنخى من يدور للشموته واسر ياساري

نويت اترك بالملعب مكبح والعلم مرفوع 

 طبع راع البحر مع جيلبوته واسر ياساري

القصير

ترى بيت بلا معنى يشبح والعلم مرفوع

كما شجرة تظل وهي محتوته واسري ياساري

ومن يفتي بليا علم يذبح والعلم مرفوع 

سكوته خير من هرجه سكوته واسري ياساري

واللي يهاب الموت ليته يستريح

هذه المحاورة جرت بيني وبين الشاعر ثامر ظميان البلوي في منتدى بلي الرسمي بتاريخ  2008/11/4م

 القصير

مال البشر يا صحابنا غير البشر

واللي يهاب الموت ليته يستريح

مؤمن بربي والقدر خير ٍ و شر

هذا الصحيح ولا نقول إلا الصحيح
-
تم الاتفاق على تغيير الطاروق

--------------------

ثامر 

ياصاحبـي يامرحبـا والسالفـة تبـغـى تـقـر
إن جيت لك تبغى تصيح وإن رحت قالوا لي يصيح

العلـم الاول مـا يسـر ولا يقـر أو لايـضـر
والزبدة اللي في يدك من حـر مـا فيكـم تسيـح

القصير
فيك البقا ياللي رميت النفس فـي درب الخطـر
إن جيت لي تمسي جريح وإن رحت قالوالي ذبيح

أبا أرفعك ف(المبتد أ)وبكسـرك وقت(الخبـر )

والعلم الاول قايله وأ قول من قلـب"ن" نصيـح

ثامر
دام إنت شايب يالقصير ليـه طبيـت البحـر

إن طحت ما تقدر تقوم وإن قمت ترجع ثم تطيح

عيبن علي علي أكسرك وإنته شايب بتالي العمر

يكفيك مني همزتين وساع سـدك لـي يبيـح

القصير

لا والله إلا ضاع علمك يوم حسيت الجمـر

أبا أنشدك أنته كريم اليد وألا أنته شحيـح

عطني علومك كلها لا لا تدور لـك عـذر

والهمزتين اللي معك تقطعك فالدرب الفسيح

ثامر

السالفة ما هي كذا وش فيك معميك السهـر

من عقب هذي يالقصير رح لعلك في قريح

ماعندنا غيـر المهابـه والمعـزة والظفـر

وإن زاحت إجبال السرات لا يعلم الله مانزيح

القصير

إن أعترفت بها وقلت الحـق غضيـت النظـر

واعطيك كأس بعيثران من الشفاءمع كأس شيح

النية اللي صافيه ياحظهاياحظهـا يـوم الحشـر

والنية اللي تنقلب مالي بها لو كان صاحبها مليح

ثامر

ياصاحبي كان البلا بالراس دنيت النجر

يعيش وراد العرب ويعيش منهو له يميح

الآدمي مسير وربك يعرف اللي بالصدر

مير اللبلا اللي ظهر بالطيب والداخل قبيح

القصير

ياصاحبي كان البلا بالراس نقرامن السور

الله جعلنا من هَل الإسلام ماحنـا مسيـح

الادمي عايش بها الدنيا على كف القـدر

واللي بداخله البلا جعله بزلزال(ن )و ريح

ثامر

ياصاحبي اللي درس ياخذ من الدنيا عبر

وإذا قريت الفاتحه تلقى بها العلم الصريح

اللي يعيش بلاهدف وعلى المذله هو صبر

ياجعل صكات الزمان بداخله تندح نديـح

القصير

اللي بها الدنيا درس عينه على سطح القمـر

واللي درس و لا فهم يكفيه بالدنيـا المديـح

أحدٍ صنع صاروخ وأحدٍ مامعه غيـر الحجـر

وأحدٍ على سطح القمروأحدٍ على فراشه طريح

ثامر

العظم يكسر يالقصير كان مايلقـى الجبـر

والعلم ينفـع والليالـي تستعـد أوتستريـح

أما إنت وش جلسك عندي ليه مارحت القمر
ماودنا بعض الكلام اللي منه صدرك يفيـح

يالقصير قرب وشد حيلك لوسمحت

هذه محاورة قديمة جرت بيني وبين الشاعر محمد مقحم المقحم "الماهر"في منتدى بلي الرسمي بتارخ 2009/3/13م

الماهر

يالقصير قرب وشد حيلك لوسمحت

يوم شفت اسمك ظهر قلت فرصه سانحه

غـايبـاً عـنا لك ايـام بالله وين رحت
الرفـيـق اللـي يودك لــــزوم اتـصـارحـه

القصير

والله اني يوم شفتك على الساحه فرحت
ظاهر اسمك عندنا وانت توك ماسحه
كنت في دار العرب فالبحر غصت وسبحت

وأنت شاعر تحسب اليوم مثل البارحه

الماهر
دامت افراحك وانا عنك يالغالي صفحت
ماحسبتك تجلب الصالحة والطالحة
يوم طبيت البحر كم خسرت وكم ربحت

بضعتك عند النشاما عساها رابحه

القصير

أنته اللي كاتب الخط وانت اللي مسحت

بعد ما جتك المياه العاذبه والمالحه
كاسب النوماس والطيب يالغالي نجحت

والغشيم ليا اعترض بالطريق اصافحه

الماهر

كم عذلتك كم نصحتك ولكن مانتصحت

ياكثر ماشـفت غيرك لـسانه فاضحه
مايسرك مدح نفسـك لو الحالك مدحت

والغشيم انكان ماعجبك فعله مادحه

القصير

اللسان حصان يا لاجودي لك شرحت

مافهمت الدرس وافكاركم سارحه
يالعتيبي ينشرح بالي ليا انك فلحت

وثق الخطوة وأنا خطوتي واضحه

الماهر

يازعيم القاف وشبك عن المغزى شطحت

واعسى مـاخانـتك يالخـبير القارحه
كـنـك اتـكهــربت مـني وانا لـك ماجـرحـت

يابلي كب النصيحه وهي من صالحه

القصير

ننهضك ياوسيع العرف لكن طحت

كلمة الجد غير الكلمة المازحه

كان من صالحه جات النصيحه نزحت

لاتجي هرجة مني لها جارحه

الماهر

مايضر الضلع لو له بقرنينك نطحت
الجبل راسي وقاسي ياكيف اتناطحه
ياحليـلك كل ماشـفت لك غبه جمحت

يامهاوي صـالـحـه والثنايا طافحه

القصير

كل ما طول المشوار ياشين نحت

تفرح الشامتين او تحزن النايحة
والله اني أنا عن ديرتي ما نزحت

وانت ودك تغش الناس بالطامحه

الماهر

يالقصير لو تطول المساري ماسترحت

والعذول الشامت اله الهبوب اتلافحه
انتزحت وكلما ضاعت اعلومك صدحت

والغشش كانه سرابك عليك اتكافحه

القصير

المساري لوتطول من المسرى طرحت

والرعد والبرق يادوب تبصرلايحه
ساريٍ مسرى العجم لاغتبقت ولاصطبحت

والسلام ختام والعود يكفي فايحه

ناصر تغيب ولاادري ويش الاسباب

هذه المحاورة جرت بيني وبين الشاعر ناصر سليم العصباني البلوي في منتدى بلي الرسمي بتاريخ 2007/11/9م 

القصير

ناصر تغيب ولاادري ويش الاسباب

من طيب ناصر بعذره واعذرونه

اقولها صادق (ن) ماني بكذاب

نا صر ليا غاب ربعه يفقدونه

 العصباني

يامرحبا والقدر بالصدر ماغاب

بالشاعر اللي تسليني لحونه

ياذيب ياللي بديت براس مرقاب

اليوم حاضر بكل اللي تبونه

القصير

يامرحبا ياهلا با عز الاصحاب

بالشاعر اللي متينات(ن)حصونه

انابسطح القمرواشوف الهضاب

وانت تعرف القمر الضلع دونه

 

 العصباني

حيّ القصير وماقاله وماجاب

له علم طيب وهو دايم زبونه

لوالمدرس يجي من دون طلاب

خطراً عليه الاداره يطردونه 

القصير

ضاعت علوم على سابك وينساب

متى المساهم تبا تخلص ديونه

من بعد موتر جديد موديل دباب

 معروض للبيع ما جاني زبونه

 العصباني

مالك ومال الخساره والتذبذاب

في سوق مجروح ماتبرى طعونه

كان استمريت تلقى حرق الاعصاب

واللي بقى في رصيدك ياكلونه

القصير

انته رميت الهدف لكن ما صاب 

واللي يزل الهدف تطرف عيونه 

الله كتب كل شىءواحصاه بكتاب

واجب نحغظه وواجب تحفظونه

العصباني

ليا رميت الهدف ماعنه مجناب

مضرب هدفنا يبان اوتخبرونه

من قبل لانقولها نحسب لها احساب

وانصونها ما نعرضها المهونه 

القصير 

ما كل من هوغزا للحرب كساب

أما كسب فالقاء والا كسبونه 

من يحفظه يحفظه ربي ولا خاب

من دونه الموت للي يكرهونه

ليا قام القصير صاحبي للملعبه مشكور

هذه محاورة قديمة بيني وبين الشاعر محمد بن عودة بن رفادة "ابوتركي"


أبو تركي

سلام الله بمجلس بيرقه فالمرجله منشور= بلي ربعي هل الطولات حاضرها وماضيها
ليا قام القصير صاحبي للملعبه مشكور= على وضح النقا فا لدرب ناخذها ونعطيهـا
القصير

هلا يامرحبا وبك البقا من شاعر"ن" دكتور=ليا طب التميمـي سلـم الرايـة لراعيهـا
تحزم واستلم رد القصيروالصفوف حضور=صفوف الملعبة والملعبة ياكثرمـا حييهـا
أبوتركي

ليا طب التميمي مع رجال (ن) يحكمون الشور = لقى الدكتور يبلش في جروحه ما يداويها
أنا عارفك شاعر ماضيه للك فالزمان عصور = لكن ليلتك هذي يالقصير ما انت ناسيها
القصير

يا ابوتركي علامك تنهش جيوبك كما المسعور=عسى العينين يارجـال مـادب الرمـد فيهـا
وكنك هايب المسرى معي جنب و طف النور=انا ماني بمن ينسى الخصـوم اللـي يسريهـا
أبوتركي

ترى هذي وصوفك ياعميلي لاتلف تدور= عيوني سالمه وأحسب خطايه قبل لامشيها
انا ماني بهايب وانت لاتشهد شهادة زور= حلوم الليل تغدي من حلمها واقتنع فيها
القصير

ما دام عينك سالمه ناظر بها والنـور نـور=نصيحـه لاتكثـر كحلهـا بعديـن تعميـهـا
نقول الحق لك واعرف مقامك ماعليك قصور=تسميها و أنا مانـي علـى قولـك مسميهـا
ابوتركي
عيونك صالحه حمرا تشابه شعلة الدافور= تبى تعمى من اسباب السواه اللي تسويها
ترى ظاهر كلامك زين والله يعلم المستور= قديمه يا القصير ياعميلي ما تمشيها

القصير
عسى هاك السحابة ماتعدى وادي المنجور=مطرها عندنا والسيل ما ياصل ضواحيهـا
كلامي ما عليه ا خلاف وانته بالبلد معذور=و هذي مشكلة لا صا ر حاميها حراميهـا
ابوتركي

لو الأرزاق في يدينك عبادالله تعيش دهور= ولكن أمرها في يدين وامرها وناهيها
مصيبه يهرج الرجال بالهرجه بدون شعور = يوصف للعرب بوصوف بجنوبه مواريها

القصير
احد منا نصا مكة واحد منا رحل للطور=واشوف اللي يسرحها علامه ما يضويها
انا توي دريت انك تسوي بالجبال قصور=قصور"ن"عاليه لاجا عقاب الليل تبنيهـا

ابوتركي

على خوتك يم الطور ماني يااجودي مجبور= علامك ياالقصير تمسك السكه وتخطيها
تعرف الحر يفرق منزله عن منزل العصفور= قصوري عامره بالعز وعيوني تراعيها

القصير

ماحدجابرك يالمذعورحذرى لاتعدى السور=وأنا ماشي على السكةولاشفتك حواليها
أعرف الحر يفرق منزله عن منزل الدبور=قصوره لاطلع صوته على راسه نواسيها