السلام عليكم ورحمة الله وبركاته
جرت هذه المحاوره الرباعيةفي منتدى العصابين من قبيلة بلي بين
1-محمد حسن القصير
2-محمد مقحم المقحم
3-محمد عودة بن رفادة
4-سالم محمد بن عيادة
واحببت ان انقلها لكم اتمنى ان ترقى لذائقتكم الشعريه وتنال اعجابكم
القصير "محمد الفصبر
الليلة الليلة الروح مشتاقه ... مشتاقه للعب مع كل عصباني
بالمنتدى سجلوها رباعيه ..... واللي يبا اللعب لايمسك الصفه
الماهر "محمد المقحم"
نبي لنا صفوف بالحيل ذواقه .... ماتقطف الورد من كل بستاني
وانا معك من جفل لارحم حيه ..... لابد انا وانت مانرجح الكفـه
ابو فارس "سالم بن عيادة"
الليله الليله ارعود براقه .... والجو يابوحسـن تومازانـي
بالمنتدى سجلوها طبيعيه .... واحرص مع الخط لاجاتك الفه
ابو تركي "محمد بن رفادة"
أدخل مع الباب لاتقرب الطاقه .... خابرك مسلم متى صرت نصراني
لوقلت سلام يالربع وتحيه ..... صاحبك من فرحته مـد لـك كفـه
القصير "محمدالقصير"
خابرك من ناس للخير سباقه .... لاغاب واحد يجي واحدِ ثانـي
والجو يصفى ليا صفية النيه .... خلك على الهون لاتقرب الحفه
الماهر "محمد المقحم"
بعض العرب صاير شوفه اشفاقه ... عقب الصداقه غدا اليوم قوماني
جاني سلامه ولا وصلني زيه .... اركد علامك تقـل صايبـك خفـه
ابو فارس"سالم بن عيادة"
اللي حضرباول الشوط له باقه .... واللي تغيب ترا مقصده عاني
النيه الصادقه تدفع السيه ........ والنـور لاترفعـه هـون وطفـه
ابو تركي"محمد بن رفادة"
بعض العرب يحسب الناس مفتاقه .... وصله سلامي ولارد له جاني
من فضل ربي ترانا غناويـه .... العلـم واضـح ولاتقـدر تلفـه
القصير"محمدالقصير"
الشوط الاول وراء البيت ورواقه .... مافيه كاسب ولافيه خسراني
والشوط الآخر به ارقام سريه ..... ماهي على الكيف تاتيك منصفه
الماهر"محمد المقحم"
فهمك مدهورك والنار حراقه .... انت الغناوي ولكـن طفرانـي
ادخل من الشمس وارتاح بالفيه .... ماكل منهو سعى مدرك شفه
ابو فارس"سالم بن عيادة"
الشوط الاول عجز تنهضه ساقه .... واليوم صاح التميمي لعتباني
والشوط الاخربه الدبلماسيه ..... لاتشهرالسيـف واليـد مرتفـه
ابو تركي"محمد بن رفادة"
فهم العتيبي موديه لاغراقه خلاه .... يمشي مع الـدرب عميانـي
واصبح كما قولت امثال شعبيه .... اطرش ويمشي مع الناس فالزفه
القصير "محمدالقصير"
زانت علومك ولكنها دقاقه .... عطني من الراس جزلات وسماني
وجهتك ياراعي السيف غربيه .... لعلها هفـت مقيـط منهفـه
الماهر "محمدالمقحم"
الظاهر ان الولد حرقت اوراقه .... حاولت ابين له الدرب ممداني
جهزت له ياهل الدار مرثيه ..... ياصاحبه مانقـص عننـا وفـه
ابو فارس"سالم بن عيادة:
بعطيك من علمي الطيب اذواقه .... يابو حسن وانت حذراك تعصاني
وعلتك ماهي علينا بمخفيه ..... واذاطلع من محاجـرك شـي جفها
بو تركي
ابوتركي "محمد بن رفادة:
مالك بما تحمل اوراقنا طاقه .... انته تبا علـم دانـه ويادانـي
حجتك من ماض الايام مقريه .... ليت القصير عطى صاحبه دفه
القصير "محمدالقصير"
ليت المعلم بقي ظل مشراقه .... مابان للناس ياليت ماباني
يلعب رفيحي ومرات دحيه ..... خلا الجماهير بالحيل ملتفه
الماهر"محمدالمقحم"
طل ابوتركي بعوده ومخفاقه .... ماناقص الملعبه كود طيراني
وده يحرض علينا النبشتيه ..... من كثر ماينتخي يبست الشفه
ابو فارس"سالم بن عيادة"
كثير شفنا من الناس هلاقه .... لكن مثلك ماشفنا ياحساني
انا لعبت الرفيحي ورديه ...... والاانت بالطبل شافوك بالضفه
ابو تركي "محمد بن رفادة"
قام العتيبي يغني على ابواقه .... ويسمع الناس من كل الالحاني
مره عراقي ومره يمانيه ..... وان نشف حلقه يطريـه بالسفـه
القصير"محمدالقصير"
الليل والليلٍ يا كثر عشاقه به .... صاحبي معترف ذرب الايماني
وانا بعدهابخاويه ماويه ..... ماهوصغيـر كمـا الطفـل باللفـه
الماهر"محمدالمقحم"
بالهون بالهون ياقايد الناقه .... وش فيك حيران هيمان بلشاني
كب اليماني وكب العراقيه .... يامعذب الخيل والهيـل والعفـه
ابوفارس"سالم بن عيادة"
التاجر اللي بلش داخل اسواقه ... يجيبها فاضي ونوب ملياني
لاترمي الرميه اللي سماويه .... الرميه اللي بلا عيار بالهفـه
ابو تركي"محمد بن رفادة"
صاحبك لانه عطى عهد ماباقه .... وانته تلبسك مليون شيطاني
نيتك فالناس قشرى وملويه ..... مبداك ماتضمره للعرب خفه
القصير"محمد القصير"
التاجر اللي بلش يبست ارياقه .... يصرف ذهب والذهب راح مجاني
ياتاجر السوق فكر بجديه ..... من يلبـس الخـامِ مايشـري الدفـه
الماهر "محمد المقحم"
الحر يافي بعهده وميثاقه ..... الياعطا العهد والوعد ماخانـي
وانته شمالي رياحك شماليه .... اليا لفت مابقى بالفضاء تفه
ابو فارس"سالم بن عيادة"
لقيت لي ناس بالحيل هباقه .... نصحته السنين لكن عياني
ارتاح لاتفكر بروحه وجيه .... ملك بهاوقلبك لصاحبك صفه
ابو تركي "محمد بن رفادة"
الحر ما بينك وبينه علاقه .... انته تشابه لطير ابن برماني
يرجي لفيده وجا ناقل الحيه .... بالخير ماضف جنحه ولارفه
ليست هناك تعليقات:
إرسال تعليق