هذه المحاورة جرت بيني وبين الشاعر عبالله سليمان الوحيشي البلوي في منتدى بلي الرسمي بتاريخ 2008/10/7م 07-10-2008,
القصير
سلا م للمنتدى يا من يرد السلام
ويقص لي قصة للكل ما قصها
ساكن بوسط الريا ض مع الرجال الكرام
لكنٍ قلبي "بروض البل" وأنا خصها
الوحيشي
هلا عليك السلام اقولها بـــا حترام
تحيتةٌ عن عموم المنتدى نصها
الشوق هزك لروض البل ولاهو حرام
شد الرحايل وصوب دياركم وصها
القصير
يالله عسى بك البقا ياللي ربط الحزام
و الطيبة طيبة تثبت و لا اغصها
لا رحت قالو علي امخالف "ن" للنظام
وتضيع "مية" خويك ربعها ونصها
الوحيشي
اللي بقلبه هموم اشلون وده ينام
والي يحب الفلوس يموت في رصها
الله يوفق جميع انسان صلى وصام
وهموم قلبه عسى الايام تمتصها
القصير
ماحديعاف الدراهم يارفيع المقام
وان كان قولي خطأدونك يدي قصها
والقلب لاصار ميت ماعليه الملام
الوقت هذا محاميها سرق لصها
الوحيشي
انا ادري انك رجل فاهم تعرف الكلام
ماقص يمناك لاوالله ولافصها
والقلب لاصار ميت مايعيش الغلام
والشجره ان كان جتها ريح بتهصها
القصير
الحمد لله بان النور زال الظلام
لكن اهل حمص لازالو على حمصها
الله على ديرة فيها النفل والخزام
اديار مايكسب القناص في قنصها
عبدالله سليمان الوحيشي
الخير موجود يابن الناس شرقاً وشام
لاشك بعض الخواطر ودك تشصها
الناس لو تجتهد معها وتصبح تمام
تصير زينه لينك قمت في قرصها
القصير
يابن سليمان شد الحيل قبل الزحام
ماني موصيك تعرف غايتي وانصها
بلغ سلامي لربع"ن" كل ابوهم حشام
واللي يرحب بنا امانته خصها
الوحيشي
ابشربعزك تراني معك لوبعدعام
والموتر اللي معاك ادعس على بنصها
ياصل سلامك وتسلم (عد)ريش الحمام
والمعذره كان كلماتي غفى حرصها
القصير
تسلم وتبقى لنا ما هل وبل الغمام
لكن نبا السيل يركد مانبي خابصها
معذور مهما جرى ياشوق زاه اللثام
ما كملت زينها بمرجانها "ا"وحصها
ليست هناك تعليقات:
إرسال تعليق