هذه المحاورة بيني وبين الشاعر علي عايش البلوي قي منتدى بلي الرسمي يتاريخ 2008/11/20م
آمل ان تحوز على رضاكم
القصير
ياعقيد القوم وينك غايب "ن" عـدة ليالـي
وانت لانك غبت ليلة كانها عشرين ليلـه
كان ما جا وبتني يا صاحبي با لعب لحالي
وان تغيب يا جماعة خير مـا دور بديلـه
علي
مرحبا ياللي تدورني وتنشد عن حوالي
ابشر إني في معزه لي بلاد ولي قبيلة
تدري انك ياالتميمي عندنا رجال غالي
جاك رد العلم مني بالقصيرة والطويلة
القصير
يعلم الله يوم شفتك ينشرح فكري وبالـي
و انت عارف ماحد"ن" نفقده ياكود الدليله
خابرنك ذيب منزاله على رووس الجبالي
لاوقف مافيه حيله وإن مشى مافيه حيله
علي
سج رجلك يا طويل العمر والمسـرى شمالـي
واحسب أحساب الخفيفة واحسب حساب الثقيلة
وانت ذيب ومنزلك دايم علـى راس الطوالـي
ان مشى ياقو حيله وان وقف يـا قـو حيلـه
القصير
من يخوض البحر يعرف غبتـه يـا هملالـي
وانت في وادي الجزل تسهرعلى قرص المليله
الذيابه لانـوت تسـري تراهـا مـا تبالـي
والجمـل لازاد حمـل القـوم دايـم يرتكيلـه
علي
والله اني غصت فيه وجبت محـار ولوالـي
وانت با الحوطة تشب النار في خشم الفيتيله
اسر يا سرحان لا تربع بالأقصى والموالـي
وانت أظنك يا جمل حملك لا صمل ما تشيله
القصير
عندنا بترول بالحوطـة يحوفـوه الرجالـي
وأنت ما عندك ياكودالاثل ينبـت فالسليلـه
والله انـي فالبدايـه ماخذالدعـوه تسالـي
ميراشوف الوضع زين وصارت الكيله بكيله
علي
راس مالك يا تميمي ما يساوي عشر مالي
الله انه يقطع اليمنى القصيـرة والبخيلـة
لا تسلى وانتبه للـي مخفـا فـي مقالـي
وانته امخير مابين الهيل واللا الزنجبيلـه
القصير
ياعسى خيرك كثير وكل ماعنـدك حلالـي
وإن بغيت الصدق حنا البخل مانعرف سبيله
كل ما عندك مخفـى يعلمـه رب الجلالـي
ما عطيت القوم يارجالي يعطونـك مثيلـه
علي
الحلال الي معي ما تاصله مبطـي وتالـي
كم وكم وكم راس طاح بسيوف(ن) صقيلة
انت حضرت الإجابة قبل تدري عن سؤالي
يعني انت يا التميمي بين عدل وبين ميله
القصير
ياعقيد القوم وينك غايب "ن" عـدة ليالـي
وانت لانك غبت ليلة كانها عشرين ليلـه
كان ما جا وبتني يا صاحبي با لعب لحالي
وان تغيب يا جماعة خير مـا دور بديلـه
علي
مرحبا ياللي تدورني وتنشد عن حوالي
ابشر إني في معزه لي بلاد ولي قبيلة
تدري انك ياالتميمي عندنا رجال غالي
جاك رد العلم مني بالقصيرة والطويلة
القصير
يعلم الله يوم شفتك ينشرح فكري وبالـي
و انت عارف ماحد"ن" نفقده ياكود الدليله
خابرنك ذيب منزاله على رووس الجبالي
لاوقف مافيه حيله وإن مشى مافيه حيله
علي
سج رجلك يا طويل العمر والمسـرى شمالـي
واحسب أحساب الخفيفة واحسب حساب الثقيلة
وانت ذيب ومنزلك دايم علـى راس الطوالـي
ان مشى ياقو حيله وان وقف يـا قـو حيلـه
القصير
من يخوض البحر يعرف غبتـه يـا هملالـي
وانت في وادي الجزل تسهرعلى قرص المليله
الذيابه لانـوت تسـري تراهـا مـا تبالـي
والجمـل لازاد حمـل القـوم دايـم يرتكيلـه
علي
والله اني غصت فيه وجبت محـار ولوالـي
وانت با الحوطة تشب النار في خشم الفيتيله
اسر يا سرحان لا تربع بالأقصى والموالـي
وانت أظنك يا جمل حملك لا صمل ما تشيله
القصير
عندنا بترول بالحوطـة يحوفـوه الرجالـي
وأنت ما عندك ياكودالاثل ينبـت فالسليلـه
والله انـي فالبدايـه ماخذالدعـوه تسالـي
ميراشوف الوضع زين وصارت الكيله بكيله
علي
راس مالك يا تميمي ما يساوي عشر مالي
الله انه يقطع اليمنى القصيـرة والبخيلـة
لا تسلى وانتبه للـي مخفـا فـي مقالـي
وانته امخير مابين الهيل واللا الزنجبيلـه
القصير
ياعسى خيرك كثير وكل ماعنـدك حلالـي
وإن بغيت الصدق حنا البخل مانعرف سبيله
كل ما عندك مخفـى يعلمـه رب الجلالـي
ما عطيت القوم يارجالي يعطونـك مثيلـه
علي
الحلال الي معي ما تاصله مبطـي وتالـي
كم وكم وكم راس طاح بسيوف(ن) صقيلة
انت حضرت الإجابة قبل تدري عن سؤالي
يعني انت يا التميمي بين عدل وبين ميله
ليست هناك تعليقات:
إرسال تعليق